Shillong, Naitung 09 : U Myntri Rangbah ka Jylla u Conrad K Sangma ha ka sngi U Blei, ula ai khublei ïa ki paidbah ka Jylla Meghalaya halor ka jinglehniam Behdeiñkhlam. Haba thoh ha Twitter, u CM ula ong “Ai khublei ïa ka Behdeiñkhlam bakmen ïa baroh” bad bynrap “Ai ba kane ka jinglehniamkan dap da ka jingkmen, ka jingkiew shaphrang bad ka jingïatylli”.Ka Behdeiñkhlam kadei kawei napdeng ka lehniam lehrukom tynrai kaba heh tam jong ki Pnar ha Meghalaya. Ka Behdieñkhlam ka dei ka jingleh niam ban beh ïa ka khlam jingpang.
Man la u snem la rakhe ïa ka jinglehniam Behdieñkhlam ha u Naitung hadien ba la dep ban thung kba bad ka dei ruh ka shad kaba kongsan tam jong ki riewlum Jaiñtia. Ha ka por jong ka jingrakhe ïa ka Behdieñkhlam, ki riewngeit ki pan ïa ka jingkyrkhu kyrdoh na u Blei Trai Kynrad na ka bynta ban bha ka rep ka riang. Ha katei ka shad ki kynthei kim ju ïashimbynta ha ka ban ïashad hynrei ki pynkhreh ïa ka bam ka dih na ka bynta ban ai sha kito kiba la khlad noh.
ïa ka jinglehniam Behdieñkhlam la pynlong ha Jowai bad kadei ka jinglehniam lehkmen kaba pawnam bha ha ka jylla.
