Shillong, Lber 17: Ka KSU Mawshbuit unit ha ryngkat ka KSU Nongthymmai circle ka ai ïa ka jingkyrshan ba pura ïa ka Dorbar Shnong Mawshbuit ba la lamkhmat da u Rangbah shnong ban pyrshah ïa ka jingkren jong u symbud Myntri Rangbah u ba ong ba 600 meter ka surok na Them basuk sha Mawshbuit ka hap ha ka jaka ki shipai GTC. Kumta ka seng hi ka ai ïa ka kti kamon ka diang bad ka Dorbar shnong bad kan ïai don ha syndah ban ïa pynbeit ïa kane ka kam kaba la pyndik ïa ki paid nongshong shnong jong ka shnong Mawshbuit bad ki para Ri kiba ju leit ïaid sha katei ka shnong.
Ka seng ka ap ïa ka rai jong ka Dorbar shnong ban ïaid shakhmat halor kane ka phang. Katba rai ka shnong ka KSU ka la long kaba la khreh la ka long ha miej ïakren ne ha madan ban ïakhun.
