Ai jingïarap ka Orphan Children Foundation ïa ki khunswet bad kiba thut dkhot met ha Saphai

Jowai, Naitung 08: Ka Orphan Children Foundation hapoh ka jingïalam u Father & Founder Chairman u bah L. Dkhar mynta ka sngi saitjaiñ kila leit ban ai jingïarap da ki marbam ïa ki khynnah khunswet bad kiba don ka jingduna ha ki dkhot met ha ka shnong Saphai West Jaiñtia Hills District..
Hashwa kane la don ka jingïalang kaba rit bala pynïaid da u bah W. Kanai Secretary Shnong Saphai West Jaiñtia Hills District bad la ïoh ruh ïa ka jingkren lyngkot na ka kong M Bareh Office Secretary Orphan Children Foundation West Jaiñtia Hills District bad la ïadon lang ruh katto katne ngut ki Volunteer jong ka Orphan Children Foundation West Jaiñtia Hills.
Ha kane ka sngi la ïoh ruh ka jingkren na u Father and Founder jong ka Orphan Children Foundation Jaintia Hills bah L Dkhar uba ai ka jingkyntu ïa ki nongri bad nongsumar jong ki khynnah ba sah khunswet ba kim ai ka jingshakri kaba bha na ka bynta jong ki, ula kyntu ruh ba lada ki ïa kynduh kino kino ki jingeh dei ban pyntip sha ki Volunteer jong ka Orphan Children Foundation khnang ba kin lah ban ïarap.
Shuh shuh ula ïathuh ba ka OCF ka lah ban ïarap kum ki marbam, bai skul bad khamtam haka por ba ki pang ki shitom ïa ki khynnah ba sah khunswet bad kiba don ka jingduna ha ki bor dkhot met bad u kitbok kitwiang ruh ïa kine ki khynnah ba kin ïoh ïa ka met ka phad ka ba koit ba khiah bad kin nang ïai kiew sha khmat ha ka jingpule.