Ai jinghikai pyntbit ka National Cricket Academy ka BCCI ïa ki coach ka MCA

Shillong, Risaw 04 : Ka National Crikcet Academy (NCA) jong ka BCCI ha ka sngi Nyngkong ka la pynlong ka jingai jinghikai pyntbit Practical Assesment ïa ki nongïoh jinghikai pyntbit ka Meghalaya Cricket Association (MCA) ha ka Hybrid Level 1 Coach Course ha Nongbah Shillong.
La pynlong ïa kane ka jingai jinghikai pyntbit ha ka madan ïalehkai kriket jong ka MCA ha Polo ïa kaba la pynïaid da u Head of Education ka NCA u Sujith Somasundar, Master Faculty Apurva Desai bad u Faculty member M Sanjay.
La ïadonlang ruh u Dkhot ka MCA Technical Committee (Treasurer barim) u Saibal Dasgupta ban plie ïa kane ka prokram ai jinghikai pyntbit bad pynkup burom ïa ki nonghikai ka NCA.
Ha kane ka sngi ki la don haduh 16 ngut ki nongshah hikai (trainees) kiba la wan ban ïashim bynta ha katei ka prokram kiba la wan na kylleng ki District Association kiba la ïasoh bad ka MCA.
La pynlong ïa kane ka practical assessment shi bynta jong ka Level 1 coach course eksam ïa kaba yn hap ban pynlong hadien ba la dep ka online theory assessment kaba la dep ban pynlong naduh ka 25 tarik haduh ka 30 tarik u Risaw 2021. Ïa ka result yn sa pynmih hashwa ban kut mynta u Risaw.
Ki Nonghikai pyntbit na Meghalaya:
Eugene K Kharsyntiew, Laxman Chettri, Pahara Mukhim, Mackie D Blah, Overjoy Lyngkhoi, Ashish Dasgupta, Hemant Roy, Roof Raja Nongsiej, Lek Bahadur, Yoohimiootre Patweth, Md Junaid, Banteibor Lyngdoh, Bhakupar Mylliemngap, Mark A Laloo, ML Marty, Monoronjon Momin.