Shillong, Nailur 14: Ka IIM Shillong dangshen ka la pynlong ïa ka Thought Leaders Conclave halor ka phang “Experiences in Building World-Class Indian Organizations and Lessons for Entrepreneurship.” Ha kane ka sngi ki nongkren ki long u N. Lakshmi Narayanan, Co-Founder of Cognizant bad Director ha CMI, ICT Academy, bad Shriram Capital Pvt. Ltd., u K. Venugopal, Director ka Kasturi & Sons Limited, bad u Gopal Srinivasan, Chairman & MD ka TVS Capital Funds Pvt. Ltd.
Ha kane ka jingïasyllok la banjur halor ka jingdonkam ban seng la ki kam la jong ha ka India, kaba pyni ïa ka jingtreikam ki seng ha India ha kaba ïadei bad kane ka jingeh kaba la ktah ïa ka pyrthei baroh kawei. Ha kane ka prokram ki kompeni kum ka ONDC, UPI, Nykaa, bad Zomato ki la wan ban ai ka jinghikai kumno ba kin treikam thymmai bad ba kin leh ïa ki kam kiba thymmai ha kaba ïadei bad ki business.
Na ka liang u N. Lakshmi Narayanan u la banjur halor ka jingdonkam jong ka technological bad ka data literacy ha kane ka por kaba mynta. Ha ka jingïalang u Narayanan u la banjur halor ka jingkiew jong ka jingdonkam ki briew bad ki kor ki bor kiba mynta. U la ong ruh halor ka jingdonkam ban pynwandur thymmai ha ki kam karkhana bad ki buit ha ryngkat bad ki sap ki phong. U la ong ruh ba ha kane ka por kaba mynta ka la donkam shibun ki jingtip lyngba ka AI bad ki short-term course.
Na ka liang u Gopal Srinivasan haba kren shaphang ka jingkiew jong ka ri u la ong ba ka India ka don ïa ka lad ban kiew ha ka ïoh ka kot kaba lah ban poi haduh ka $35 trillion economy ha u snem 2047, kaba lah ban long lyngba ka technology kaba lah ban kyntiew ha kine ki sngi ban wan.
Katba na ka liang u K. Venugopal u la ban jur halor ka jingiapher kaba long hapdeng ki manager bad entrepreneur, da kaba ong ba lada ki manager kin eh bad ki im, ki lah ban long ka lad kaba thymmai kaba lah ban kyntiew ha ki kam karkhana. Haba ai mynsiem ia ki samla pule kiba donsap jong ka IIM Shillong u la pynshlur ïa ki ban pynleit jingmut ha kaba ïadei ki kam ki kam kiba lah ruh ban long ka lad ban ai kam aijam ban ïa kaba wad kam. Haba ïathuh ïa u President barim ka ri u Dr. A.P.J. Abdul Kalam, u la ong ba ka jingsengkam la jong ka long kaba kongsan bha ha kane ka por bad kaba lah ruh ban tei ïa ka ri baroh kawei.
Ha kane ka conclave ne ka prorkam la ïathir ruh halor ban pynmih ïa ki manager ban long kum ki nongseng kam la jong. Na ka liang jong ka IIM ka don ïa ka bynta kaba khraw ban pynbha ïa ki jingdonkam ban sengkam la jong.
