Shillong, Lber 31: Ka tnat Arts and Culture ka sorkar jylla da ka jingïatreilang bad ka MTB Skill Forge Mumbai, ka la pynlong ïa ka Music Education Workshop and Master Class kaba shi sngi na ka bynta ki nonghikai bad ki samla pule kaba dei ha ka jingtem piano, guitar, bad ka voice ha Black Box Theatre, Lariti Mawkasiang. Ha kane ka prokram la ai jingkren da u Karl Lutchmayer, u dkhot ka MTB Skill Forge, bad la ïashim bynta da ki nonghikai bad ki samla pule na ki skul music bapher bapher bad na ki jaka pule na kylleng ka jylla.Ha kane ka prokram la donlang u Bah Paul Lyngdoh, Myntri ka tnat Arts and Culture, kum u kongsan bad u Bah FR Kharkongor, Principal Secretary jong ka Arts and Culture Department, kum u symbud kongsan.
