New Delhi Lber 08: Kum ka dak jong ka jingai jingsngewnguh ïa ka bor bad ki jingjop jong ki longkmie, u Myntri Rangbah Duh, Narendra Modi u la aiti ïa ki rynsan social media jong u sha ki longkmie kiba la pawnam ha ki kam bapher bapher.
Ha ka International Women’s Day, ki longkmie kiba la pawnam ha ki kam bapher bapher ki la wan shakhmat ban ïathuh ïa ki khana jong ki bad ai ki jingmut jong ki ha ki rynsan social media jong u Myntri Rangbah Duh.
Ki longkmie kiba la pawnam ki la post ha ka account X jong u Myntri Rangbah Duh, “Ka teknoloji kaba ïadei bad ka haw haw, ka teknoloji nuclear bad ka jingpynkupbor ïa ki longkmie. Ngi dei ka Elina Mishra, ka stad nuclear science bad Shilpi Soni, ka stad science ha ka kam haw haw bad ngi kmen ban ïalam lynti ïa ki rynsan social media jong u Myntri Rangbah Duh ha ka Womens Day, ka khubor jong ngi ka long -Ka India ka dei ka ri kaba biang tam na ka bynta ka science bad kumta, ngi kyntu ïa ki longkmie ba kin rung ha kane ka kam.”
