Shillong, K’Lyngkot 27 : Ka Seng Samla Pynthor Saw Mer kum shi bynta ban rakhe ïa ka Silver Jubilee ka la pynïeng da ki maw bynna kum ka dak ban sah kynmaw ïa kane ka jingrakhe ïa ka Jubili Rupa.
La pynshongkun shuh shuh ïa kane ka prokram da ka jingdon ryngkat u Bah Hamletsoh Dohling, Adviser jong u Myntri Rangbah ka Jylla kum u Kongsan bad plie paidbah ïa une u mot.
Haba kren ha ka jingïalang, u Bah Hamlet, u la pynpaw ka jingai khublei bad jingsngewnguh ïa ki nongseng ïa ka Seng Samla ha ki snem 2001 na ka bynta ban shakri ïa ka thain ha kiba bun ki liang.
“Nga ngeit Skhem ba ka jingangnud ki samla ha kato ka por ka long ban wanrah ïa ka jingïa ieid ïa tylli bad ruh ban peit ïa ka bha ka miat ha ka dong bad ka shnong hi baroh kawei,”u la ong.
Shuh shuh u la ai mynsiem ïa ki nongïalam ba mynta ban nang ïai trei shitom bad ruh ban nang kitkhia ban trei nà ka bynta ka jingbha ka dong bad ka shnong.
La ïa don lang ha kane ka jingïalang naduh u Bah Martin Kharsahnoh Assistant Rangbah Shnong Saw Mer, Kong Meena Kharumnuid bad I kong Agnes Kharsahnoh President bad Secretary Seng Long Kmie Pynthor ha ryngkat bad ki nóng shong shnong.
