Yn rakhe ka ECI ia ka National Voter’s Day ba 16 ha nongbah Delhi

Shillong, Kyllalyngkot 24: Ka Election Commission jong ka Ri India la shai ka sngi kan rakhe ïa ka National Voters’ Day kaba 16 ha nongbah Delhi, ka phang pdeng mynta u snem ka long “ Ka Ri India jong nga, ka Vote jong nga” bad ki nongshong shnong dei u klongsam ha ka synshar paidbah.
ïa kane ka jingrakhe ka President jong ka Ri India ka Droupadi Murmu kan sa long ka kongsan bad u myntri khynnah ba dei peit ïa ki kam aiñ u Arjun Ram Meghwal un long u symbud kongsan bad ïa ka jingleh burom yn lam khmat da u Chief Election Commissioner u Gyanesh Kumar, ha ka jingïadon lang ki ar ngut ki election Commissioners, Dr. Sukhbir Singh Sandhu u Dr. Vivek Joshi.
Ha kane ka jingïalang ka President jong ka Ri India kan ai ïa ki Electors Photo Identity Cards sha kito ki samla kiba dang shu ïoh EPIC nyngkong , kan don ruh ka jingpynkup burom ia kito kiba la trei borbah ha kaba ïa dei bad ka jngpynshai paidbah haba ïa dei bad ka election.
ïa kane ka jingrakhe ïa ka National Voters Day yn pynlong ruh ha baroh ki jylla bad ki Union Territory bad ki District bad ki Block Level da ka jingïatreilang bad ka ophis jong ki Chief Electoral Office ha ka jylla bad yn sam ïa ki dur thep vote sha kito kiba dang oh EPIC nyngkong.