Nongpoh, K’Lyngkot 24: U Superintendent of Police ka Ri-Bhoi District u la pyntip ba haka 18 tarik Kylla Lyngkot haka por kumba 5:40 baje eiei janmiet, u wei u briew u ba don haka rta kumba 50-60 snem u la shah tynrah ha kawei ka thuk thuk 3 shaka kaba don ïa u number ML 10 C 0735 ha surok bah haka thaiñ 14 mer Ri-Bhoi District haduh ba utei u rangbah u la mynsaw jur bad pynkit noh sha Byrnihat PHC da ki riew paidbah hynrei ki doctor kila pynbna ba u la khlad noh shuwa ban poi sha Hospital.
Kumta ïaka met jong utei u rangbah la rah bad buh noh ha jaka buh metiap ha Civil Hospital Nongpoh ban pyndep ïaka post mortem bad haduh mynta ym pat don satia ba wankam ïaka met utei u rangbah u ba don kumba 5.5 phut ka jingjrong, u phong ruh ka jaket rong iong, ka sopti kaba thoh saw bad pink bad ka patlun ba rong dpei.
Ki pulit ka Ri-Bhoi kila pynbna ruh ba kino kino kiba don jingtip shaphang une u rangbah ba kin pyntip sha Police Control Room ha u number 9856084514.
