New Delhi, K’ Lyngkot 23: Ha ki sienjam ba la shim na ka bynta ban kyntiew ïa ka jingsngew skhem jong ki nongtrei kiba dang trei bad kumjuh ruh ban pynthikna ïa ka jingshngaiñ ha ka imlang sahlang jong ki nongïoh bai bam tymmen ha ka kam pisa tyngka, ka Sorkar Pdeng ka la mynjur ïa ka jingpynkylla ïa ka bai bylla sngi na ka bynta ki Public Sector General Insurance company (PSGIC) bad ka National Bank for Agriculture and Rural Development (NABARD). Nalor kata, ka la mynjur ïa ka jingpynkylla ïa ka bai bam tymmenna ka bynta kito kiba la shongthait jong ka Reserve Bank of India (RBI) bad ka NABARD.
Kane ka rai ka pyniïa ka jingkut jingmut ba ïaibteng jong ka Sorkar bad ka jingpynleit jingmut ha ka jingïada ïa ka imlang sahlang bad ka bha ka miat ha ka kam pisa tyngka jong ki nongïohbai bam tymmen, kum ka jingithuh ïa ka jingshakri ba slem bad ba aiti lut jong ki.
Ki mat ba kongsan jong kane ki long kumne harum:
KI PSGIC:
Na jingpynkylla ïa ka bai bylla sngi: Ka jingpynkylla ïa ka bai bylla sngi jong ki nongtrei jong ki PSGIC kan treikam naduh ka 01.08.2022. Ka jingpynkiew kyllum ïa ka bai bylla kan long 12.41% ryngkat ka jingkiew kaba 14% halor ka Basic pay bad Dearness allowance kaba la don lypa. Baroh ki nongtrei jong ka PSGIC ki don 43,247 ngut ki ban ïoh jingmyntoi na kane ka jingpynkylla. Ka jingpynkylla ka kynthup ruh ïa ka jingkyntiew ïa ka jingnoh synniang jong ka NPS na ka 10% sha ka 14% na ka bynta ka lawei kaba bha jong ki nongtrei kiba la rung hadien ka 01.04.2010.
Ka Jingpynkylla ïa ka bai bam tymmen na ka bynta ka longïing: La pynkylla ïa ka bai bam tymmen na ka bynta ka longïing ha ka dor kaba ïaryngkat kaba long 30% naduh ka tarik ba la pynmih ha ka kot khubor, ka ban ai jingmyntoi ïa 14,615 ngut ki nongïoh bai bam tymmen na ka longïing na ki 15,582 ngut ki nongïoh bai bam tymmen na ka bynta ka longïing kiba la don lypa kum ka dak ka jingsngewnguh ïa ka jingnohsynñiang ba kordor jong ki ha ka seng.
Ka jingktah ha ka liang ka pisa tyngka: Ka pisa baroh kan long haduh T.8170.30 klur kata T.5822.68 klur sha ki arrear jong ka jingpynkylla ïa ka bai bylla, T.250.15 klur na ka bynta ka NPS bad T.2097.47 na ka bynta ka bai bam tymmen na ka bynta ka longïing.
Ki PSGIC ki kynthup ïaka National Insurance Company Ltd. (NICL), New India Assurance Company Ltd. (NIACL), Oriental Insurance Company Ltd. (OICL), United India Insurance Company Ltd. (UIICL), General Insurance Corporation of India (GIC), bad Agricultural Insurance Company Ltd. (AICIL).
NABARD
Ka jingpynkylla ïa ka jingsiew: Ka treikam naduh ka 1 tarik Naiwieng, 2022, ka jingpynkiew ïa ka jingsiew bad ki allowance ka long kumba 20 percent na ka bynta baroh ki nongtrei jong ka Group ‘A’, ‘B’ bad ‘C’ ha ka NABARD. Kan ai jingmyntoi haduh 3800 ngut ki nongtrei kiba dang trei bad ki nongtrei barim.
Ka Jingpynkylla ïa ka bai bam tymmen: Ka penshon ba kongsan/ka bai bam tymmen na ka bynta jong ka longing sha ki nongtrei ba la shongthait jong ka NABARD, kiba la thung nyngkong da ka NABARD bad kiba la shongthait shwa ka 1 tarik u Naiwieng, 2017, mynta la wanrah ha kajuh ka kyrdan bad kito kiba la shongthait na ka kam ha ka RBI NABARD.
Ka jingktah ha ka liang ka pisa: Ka jingpynkylla ïa ka jingsiew ka wanrah ïa ka jingpynkiew ïa ka bai bylla kaba shi snem kaba long kumba T.170 klur bad ka jingsiew baroh ïa ki arrears kaba long kumba T.510 klur. Katba, ka jingpynkylla ïa ka bai bam tymmen, kan wanrah ïa ka jingsiew arrear kaba shisien kaba long T. 50.82 klur bad kumjuh ruh ka jingsiew shuh shuh sa T. 3.55 klur ka pisa ha ka jingsiew bai bam tymmen man u bnai sha 269 ngut ki nongshim bai bam tymmen bad 457 ngut ki nongïoh bai bam tymmen na ka bynta ka longïing ha ka NABARD.
RBI
Ka jingpynkylla ïa ka baibam tymmen: Ka sorkar ka la mynjur ban pynkylla biang ïa ka bai bam tymmen bad ka family pension sha kito kiba la shongthait jong ka Reserve Bank of India (RBI). Ïa kane ka rai la shim katkum ka jingkular jong ka Sorkar ban pynthikna ïa ki jingmyntoi bai bam tymmen kiba ryntih, kiba biang bad kiba ïaineh na ka bynta ki riew tymmen bad ki bahaïing jong ki.
Hapoh ka jingpynkylla ba la mynjur, ïa ka bai bam tymmen bad ka family penshon yn pynkiew da 10 percent halor ka bai bam tymmen ryngkat bad ka dearness relief, kaba sdang naduh ka 1 tarik u Naiwieng, 2022. Kane kan wanrah ïa ka jingkyntiew ïa ka bai bam tymmen ba kongsan da ka jingkheiñ kaba 1.43 na ka bynta baroh kito kiba la shongthait na ka kam, kaba ïalam sha ka jingkiew kaba jur ha ka bai bam tymmen jong ki. Kane ka jingpynkylla kan ai jingmyntoi ïa baroh 30,769 ngut ki nongïoh jingmyntoi, kiba kynthup ïa 22,580 ngut ki nongïoh bai bam tymmen bad 8,189 ngut ki nongïoh ïa ka bai bam tymmen na ka bynta ka longïing.
Ka jingktah ha ka liang ka pisa: Ka jingktah ha ka liang ka pisa tyngka baroh la antad ba kan long T.2,696.82 klur, kaba kynthup ïa ka jingpynlut kaba shisien kaba T.2,485.02 klur na ka bynta ki arrear bad ka jingpynlut kaba ju long man la u snem kaba T.211.80 klur.
Ka Jingpynkut:
Na ki sienjam ba la kdew haneng, baroh ki long kumba. 46,322 ngut ki nongtrei, 23,570 ngut kiba ïoh bai bam tymmen bad 23,260 ngut kiba ïoh ïa ka bai bam tymmen na ka bynta ka longïing. Kane ka sienjam kan ai ka jingïarap ïa ki nongtrei jong ki PSGIC bad NABARD, bad ïa ki nongïoh bai bam tymmen/kiba ïoh ïa ka bai bam tymmen na ka bynta ka longïing jong ka RBI bad NABARD, da kaba ïarap ïa ki ban bah ïa ka jinglut jingsep katba ki dang pynneh ïa ka kyrdan im kaba don burom bad ka kyrdan ha ka imlang sahlang hadien ba ki la shongthait.
Ka Sorkar ka dang ïai bteng ban pynkhlaiñ ïa ki jaka treikam kiba don ka bynta kaba kongsan ha ka jingkiew ka ïoh ka kot jong ka ri kaba kynthup lang ïa baroh bad kaba ïaineh.
