Jowai, Naitung 09: Ka Hynñiewtrep Integrated Territorial Organization (HITO) sengkmie mynta ka sngi ka la ïoh ban pynskhem ïaka HITO West Jaiñtia Hills District ha ka jingïalang kaba la long ha Tyrchi Inn Conference Hall.
Haka tei ka jingpynskem la pynïaid ïaka jingïalang da u Preciousmi Shylla bad la ïoh ka jingkren pdiang sngewbha bad mait phang na u President East Jaiñtia Hills u samla Deibormi Rymbai, ka jingsngeng kyntu na u Secretary ka sengkmie samla Wanbun N Dkhar ryngkat ka jingïadon lang u Assistant Finance ka sengkmie samla Ebor Pasleiñ bad la ïoh ka jingpynshai ïaki mat treikam ka seng la batai da u President Rangbah ka seng u samla Donbok Dkhar.
Ha kane ka sngi ka jied ïa ki nongkitkam ka West Jaiñtia Hills District kiba long kumne President samla Pynbiang Rymbai Vice-President samla Overfive Biam, Secretary samla Cresene Ksoo, Joint Secretary samla Herbert Bhoi, Organising Secretary samla Rimiki Lathong, Publicity Secretary samla Yomiki Passah, Agriculture Secretary samla Remdor Lyngdoh, Finance Secretary samla Wanbiang Pulang, Assistant Finance samla Secretary Barister Shylla, Sports Secretary samla Pynhun Chullet lem bad 45 ngut ki Executive Member.
Kum ban shu pynkynmaw ba u President ka West Jaiñtia uba bat mynshwa kum u President ka Niaw Wasa Youth Feredaration hadein ba ula ïeh noh kam kum u President ka NWYF Central Body bad pyn ïasoh shaka HITO la 9 bnai bad katkum ka riti treikam ka HITO ba uno uno uba mih na kiwei pat ki seng yn hap ban pynïasoh bad ka HITO 6 bnai haduh ba yn lah ban bat kam hapoh ka seng.
