Shillong, K’ Lyngkot 14: Kawei ka longkmie ka la mynsaw na ki bynta jong ka khlieh hadien ba uwei u nongtuh u la thombor ïa ka dangstep ha ka sngi baar hapoh ka ïing jong ka kaba ha Upper Lachumiere.
Katkum ki tyllong khubor la ong ba ka Devi Basumatary ha katei ka por ka dang kren phone ha la ka jong ka verandah jong ka ha kaba ka la ïakhun bad utei u nongtuh uba wan prong tuh bad uba la dep ruh ban rung lypa hapoh ka ïing jong ka. Utei nongtuh ba la shah kynnoh u la tied ïa ka na ki bynta jong ka khlieh da ki tiar pynmynsaw ha kaba la pynlong ïa kane ka longkmie ba kan mynsaw jur.
Kane ka jingjia ka la jia ha ka por kumba 2 baje janmiet haba katei ka longkmie ka don marwei. Ïa mynta katei ka longkmie ka dang shah sumar ha Nazareth Hospital, Shillong, ha kaba la ong ba ka dang don ha ka jingshitom kaba jur.
La ujor ruh da ka ejahar ha Laitumkhrah Police Station halor kane ka jingjia. Na ka liang ki pulit ki la pynlong ka jingtohkit halor kane ka jingjia bad ki jingpyrshang ki dang don ha lynti ban lap bad ban wad ïa utei u nongtuh ba la shah kynnoh.
