Khliehriat, K’Lyngkot 10: Ka tnat CSR jong ka company Star cement Lumshnong hynnin ka sngi ka la theh jingiarap da ki tin CGI Sheet sha ki hynñiewphew phra ngut ki nongri sniang kiba na shnong Brishyrnot, Pandare, Khaddum, Sailkan, Sakhri, Lumshnong, Lum-Murly bad Lumtongseng ba kin dup ïoh bab shna bha ïa ki sem sniang jong ki.
U Manager jong ka tnat CSR Star Cement Lumshnong, u Kingshok Kamal Borah, u la iathuh bad ong ba kitei ki hynñiewphew phra ngut kiba na ka thaiñ Narpuh East Jaiñtia Hills District, ki dei ruh kiba la dep ban pyndep ïa ka jingshah hikai naduh u bnai lber jong u snem 2025 kiba la ïoh jinghikai na ka shlem ai jinghikai na RRTC, Umran, Ri Bhoi District ha kaba ka company hi ka ka kitkhlieh ïa ka jinglut jingsep baroh bad phah sha kane ka shlem ai jinghikai ne ka training center, u la bynrap shuh shuh ba kine kiba ri sniang kin sa ïoh ruh sa ïa ki sniang ba kin ri ha kaba ka CSR kan sa sam ïa ki sniang khun sha ki ha kine ki khyndiat sngi ki ban wan, u la ong ba kane ka jingsam ïa ki tin ban shna sem sniang bad jingsam ei ïa ki sniang sha kitei ki nongshong shnong kiba na Narpuh ka long ruh ban kyntiew ym tang ïa ka ïoh ka kot jong ki hynrei ban kyntiew ruh ïa ka iew die sniang bad kane ka long ruh kawei na ki lad kamai ïa ki bad ka lad ïohkam khamtam ïa ki samla bad ki nongrep ki bym donkam don jam.
