Shillong, K’lyngkot 6: Ka seng saiñ pyrthei United Democratic Party (UDP) shen kan sa rai ban jied ïa ki kyrtong ban ïakhun ïa ka elekshon MDC jongka Garo Hills Autonomous District Council (GHADC).
U General Secretary ka UDP u Bah Titosstarwell Chyne, ula ong ba ïa ka kaiphod ka dei kaba la khmih lynti ban aiti noh da ka Garo Hills committee ha kine ki sngi ban wan.
Ula ong ba ka seng kala dep ban thaw ïa ka Special Committee ban khmih ha kaban jied ïa ki kyrtong bad ïa ki buit ban ïalap \ïa ka elekshon na ka bynta ka elekshon GHADC ka ban long mynta u snem.
“Ngi ngin sa pynbna ïa ka rai ka jong ngi hadien ba ngi lah ïoh pdiang ïa ka kaiphod” la ong u Bah Chyne.
