Ai khublei Chrismas ba suk ba kmen ka JNC-KC ïa ki paidbah ka EJHDKi jingthaba ding Chrismas ha Phyllaw DC ophis ki pynitynnad ïa ka sor Khliehriat

Khliehriat, Nohprah 23 : Ka Jaiñtia National Council Khliehriat Circle lyngba u kyrwoh ba la phah da u President, u samla Shanborlang Bamon bad u General Secretary, u samla Symboh Baiar Sumer ka ai khublei Chrismas ba suk ba kmen ia baroh ki paidbah jong ka East Jaiñtia Hills District “Ai ba kane ka jingrakhe ïa ka Chrismas kan wanrah ïa ka jingsuk jingkmen, ka koit ka khiah ka bha ka miat bad ka shongsuk, shongsaiñ ha ka District bad ha ka ri hi baroh kawei.
“ Ka jingrakhe ïa ka Chrismas ka dei kaba nhi kum ki riew ngeit kristan ki kynmaw burom da kaba sngew nguh eh ïa ka jingwan longbriew u Jisu Krist u nongpynim ka pyrthei, ka pynkynmaw ruh ïa ka jingwan longbriew ha ka rukom ka jingsngew rit ha kaba la kha ïa u Jisu ha ka sem ki mrad ha Betlehem Judia bad kane ka dei kata kaba phalang ïa ka jinglong sngewrit” ong u kyrwoh.
Na ka liang ka seng KJC Khliehriat Circle ka kyntu ïa ki paidbah ban long bunsien kiba dap da ka mynsiem jingiaieid, jingiatreilang, jingialong kawei, ka jingia burom iwei ïa iwei pat bad ruh ban rakhe ïa ka Chrismas ha ka jinglong ba tip briew, tip Blei bad pyni ruh sha ka pyrthei ïa ka jinglong kristan ba shisha kum ki khun u Blei kiba la kyrkhu bad ka jingwan long briew u Jisu sha kane ka pyrthei ka dei ruh ka jingkyrkhu kaba khraw haduh katta katta ïa broh ki riew ngeit Kristan “Ai ruh ba ka Chrismas ka long kaba dap da ka jingkem, jingsuk, jingkyrkhu ha ki ïing ki sem, Chrismas Basuk, ban kemen ïa phi broh” phah kyrwoh na ka JNC Khliehriat Circle sha ki paidbah.
Shuh shuh, ki jingpynthaba ding Chrismas ha ki rong bapher bapher bad ki jingbuh ïa ki dur Chrismas ha phyllaw ka ophis u DC ha Khliehriat ka pynitynnad bad pyniphuh ïa ka sor bah Khliehriat ha kane kum kane ka aiom lehkmen Chrismas.