Jowai, Nohprah 19 : Ka shnong Jaraiñ kaba hap hapoh ka Amlarem Civil Sub-Division, West Jaiñtia Hills District, ka la pynlong ïa ka jingpynkhuid ïa ki rud jong ka Wah Myrkein hynnin ka sngi 18 tarik Nohprah, 2025.Kane ka wah ka don harum jong ka shnong Jaraiñ bad ka hap ruh hapoh u pud u sam jong ka shnong bad ka don ha shilynter ka surok National Highway.
Ha kane ka jingpynkhuid, la lap ïa ka jingjaboh kaba jur bha namar ka jingbret pathar ïa ki kum ki bilor, ki plastic, ki bilor kyiad bad kiwei pat ki jait jaboh. La lap ruh ba don ki briew kiba leit kai ne kiba leit bam khana kiba bret pathar ïa ki jaboh khlem da pyrkhat ïa ka jingktah ïa kiwei pat lane ïa ki tyllong um, kaba lah ruh ban wanrah jingma ïa ka mariang bad ïa ka pateng ban dang wan.La pynsngew haki por mynshwa ka shnong kam juh pynkhuid ïa kane ka wah, hynrei mynta ka kynti da kawei ka jingmut ka shnong Jaraiñ ka la shim ïa ka sienjam ban pynkhuid ïa kane ka wah. Ha ka juh ka por ka shnong Jaraiñ ka kyrpad ïa ki paitbah khamtam ïa kiba ïaid lynti lyngba katei ka jaka, ba kim dei ban bret pathar ïa ki jaboh sha kane ka wah, namar ka Wah Myrkein ka dei ka tyllong um kaba kongsan bha bad bun ki shnong ki tan um bam na kane ka wah, wat ka shnong Amlarem ruh ka tan um bam na kane hi ka wah.
