Jowai, Nohprah 18: U District Magistrate ka West Jaiñtia Hills ula pynmih ïa ka hukum katkum ka kyndon 163 BNSS bad la pynbeit ruh ïa ka rukom thang ïa ki bom pataka haki por Khristmas bad snem thymmai hapoh ka District.
Haka juh ka por ula pyntip ba la khang ban die ne thied ïa ki bom ba la shna da ki bar jylla, ki bom kiba lah ban pynmih ïa ka jingsawa kaba jur palat ïa ka 125dB(A1) lane 145dB (C) Pk bad kiba jur ka jingpynmih tdem kiba lah ban ktang ïa ka mariang.
La khang ban pynbthei bom pataka hapoh ka jingjngai ba 100 meter na ki jaka sumar, ki jaka pule, ki ïing Kashari, ki jaka mane Blei bad kiwei kiwei ki jaka bala pynbna kum ki Silent Zone daki bor ba dei peit. La shah ban pynbthei bom pataka tang naduh ka por 11:55 Pm haduh 12.30 Am.
Ka jingdie ïa ki bom pataka ka long tang kito kiba la ïoh laisen bad kiba la ïoh jingbit na ka ophis jong u District Magistrate, West Jaiñtia Hills da kaba bud ryntih ïa ki kyndon jong ka Central Pollution Control Board.
Kane ka hukum kan treikam noh mardor tad haduh ban da kut ka jingrakhe Khristmas bad snem thymmai.
