Shillong, Nohprah 09: U Myntri Rangbah ka jylla u Conrad K Sangma u la pynpaw ka jingïeng pdeng halor ka jingkhynra ba dangshen jong ka Enforcement Directorate (ED) ha Garo Hills, da kaba ong ba kam dei ïa ka sorkar ban kynthoh ne ban tuklar ïa kane ka kam.
“Kam don eiei eiei ïa ka sorkar ban kynthoh halor jong ka, kadei ka agency kaba leh ïa ka kam laitluid. Kan long kaba bakla ïa ka sorkar ban kynthoh ne ban tuklar da kano kano ka lynti,” ong u Sangma ha ka sngi baar haba kylli shaphang ka jingkhynra jong ka ED.
Haba pynbor na ka bynta ban ïoh shuh shuh ki lad jingtip, u Myntri Rangbah u la banjur ba kadei ïa ka ED ban tohkit bad ym dei ïa ka sorkar ban tuklar.
“Kadei ka kamram jong ka ED ban wad, ngim dei ban tohkit ïa kane. Kan long kaba bakla na ka liang jong nga ban tuklar ne ban kylli kaei kaba la jia. Kadei ka agency kaba laitluid bad kan leh hi la ka kamram.”
