Ngi dang khmihlynti ba ka jingwan u CM ka long ban wanrah ïa ki project kiba heh : ther u nongïalam ka VPP-EJHD

Khliehriat, Nohprah 09: U President jong ka party Voice of the People Pary East Jaiñtia Hills District, u bah Damewanhi Rymbai, haba kren sha ki pathai khubor mynta ka sngi u la ther tyngeh ïa ka jingwan u myntri rangbah ka jylla sha East Jaiñtia Hills District hynnin ka sngi bad kynthoh ruh da kaba ong ba ‘Ngi dang khmihlynti ba ka jingwan u myntri rangbah ka long ban wanrah ïa ki project kiba heh hynrei phewse long kumba u shu wankai pynban sha EJHD, ngi dang khmihlynti ba un wan jngoh ruh ïa ka jingpyntrei ïa ka Wapung C&RD Block, kumjuh ruh ka DIET ha Byndihati bad kiwei kiwei ki project kiba heh hynrei ka jingwan jong u ka long pyban kum ba wankai tang ban shu pyndheng kali ha kaba kane ka la ktah shisha ïa ka leit ka wan jong ki paidbah bad ha kajuh ka por ngi kyntu ïa ki bor district ba haba wan ki heh sorkar ne ki VIP shane sha ka district ym dei ban shu leh sting khamtam eh ha ka leit ka wan ki paidbah namar ka ktah shikatdei eh ïa ka leit ka wan ki paidbah
Shuh shuh u bah Damewanhi Rymbai u la ong “Na ka liang ka VPP East Jaiñtia Hills District ngi kwah ruh ban pynsngew ha kaba iadei bad ka jinglong jingman ha ka saiñ hina sima ha poh ka district khamtam ka jingshah ieh khun swet ha kiba un ki kam pyntoi, ngi sngew diaw hadien ba ka shnong Moolamylliang kaba dei kawei na ki shnong ba paw nam hapoh ka district kaba ju leh kmen chrismas da kaba pynthaba ïa ki ding ba bun rong lane lights festival ka la hap ban pynpep ïa kane ka tamasa mynta u snem dei na ka daw ka jingsniew palat ka surok, kane ka dei ka jingleh klet, leh sting ka sorkar. Man ka por ka sorkar ka ju kren ïa ki kam pynroi ban kyntiew ïa ka imlang ka sahlang bad ruh ban kyntiew ïa ka kam jngohkai pyrthei hynrei haba peit pat ïa kane ka jinglong arsap ka sorkar ka pynlong ïa ngi ba ngin pynrem jur ïa ka jingleh ka sorkar bad lada ka long ha kane ka rukom kan long kaba eh ïa kiwei pat ki shnong ban shim ïa ka synjam lada ka sorkar kam ïa don bynta lang ban kyntiew ïa ki shnong”
“Ngin ioh jingtip ruh ba ha shnong Narwan ruh ka ju don ka tamasa Orange Festival, hynrei ïa kane ruh hap ban pynpep noh mynta u snem bad haba kylli ngi lap ba ka daw tynrai hi ka dei na ka daw ka jingsniew ka surok ha katei ka thaiñ. Ngi don ïa ki nongmihkhmat kum na Sutnga- Saipung, ka kong Santa Mary Shylla, kaba dei ka MLA kaba don ruh hapoh ka sorkar, ngi don ruh u nongmihkhmat na Khliehriat haba peit pat ïa ka roi ka par khamtam ha kaba ïadei bad ki surok ngi la shah ieh khunswet shibun bad ngi iohi ba ka jingwam u myntri rangbah mynnin sha East Jaiñtia Hills District ka la pynlyngngoh ïa ngi namar ba ngi iohi ba bunsien haba u myntri rangbah u leit sha kano kano ka jaka u ju leit rah lang bad ki song pisa bad ki jingplie ïa ki project kiba heh-ba heh, hynrei haba phai pat ïa kane ka jingwan jong u mynnin ngi iohi tang ïa ka jingpyllait bus bad ki prokram ki bym da i shong nongrim ki bym da long eh na ka bynta ka roi ka par, na ka party ngi dang khmihlynti ba un pynbna ïa ki project kiba heh-ba heh namar kum ka party ngi kwah ba ki kam pynroi kin long ïa ryntih kumba long kiwei.
Shuh shuh ngi sngewsih ba mynnin ngi iohi ruh ba don tang u MLA jong ka UDP uba synran ïa u myntri rangbah ngi kwah ban kylli ba shaei jah ka MLA jong ka Sutnga- Saipung khamtam eh kaba dei ka MLA sha ki thaiñ ba ktah ka jingsniew surok kum ka Narwan, ka Moolamylliang, namar ka MLA ka dei ka kamram ba kongsan eh ka jong ka bad kaba ju kren ruh ïa kane ka jingsniew surok, kaba i lyngngoh ruh ba nangne na Khliehriat u Myntri Rangbah u la pynbna ruh ïa ki kam pynroi kiba sha Sutnga te kane ka pyn pyrkhat bad pyn tharai sniew ruh ïa ngi ba balei ka jia kumne namar ba u myntri ka pule puthi ne u Education minister hynnin ruh u pynbna ïa ka college sorkar ne goverment college kaba thmu ban shna ha Jalaphet hynrei hangne ruh ka MLA kam don lang bad hato, hato ka MLA kam don mo ka jingsngew bad ka jingpynbna myntri rangbah ïa ka project kaba lyngba ka world bank kaba hduh T.110 klur tyngka ban shna ïa ka surok naduh Dkhiah shaduh Samasi te kane ruh ka dang hap hapoh ka constituency jong ka kong Santa Mary Shylla, te kine kiei kiei ki pynlong ïa ngi bad ngi pyrkhat bun jait bad ruh ki jingpynbna ïa ki kam pynroi ruh ki long kiba khlem da buh ïa ki maw nongrim, katba tang ha ka prokram ban kyntiew ïa ka Secondary School sha ka Higher Secondary School ha Rymbai ki da buh maw nongrim hynrei ki project kiba da ki spah klur pat kim don maw nongrim, te kane ka jingpynbna u myntri rangbah ïa ka T. 110 klur tuh ka long kaba kum kata ka jingtyrwa ïa ka bniat hati katba ka hati pat ka dnag don sha khlaw namar katkum ka jingtip ka jongngi u Executive Engineer jong ka tnat PWD u dang khot jingialang ha kane ka 11 tarik ka ban wan kum kata ka jingpan jingmynjur na ki paidbah la yn pyntrei ne yn pynsanngeh ïa kane ka project, te kumno haba ka kam ka dang iaid kumne katba u myntri rangbah pat u la pynbnada kumtoï te ngi i ba kane kam long kaba itynnad, te ngi na ka liang ka VPP ngim ong ba ngim kwah ïa ka roi ka par hynrei kaba ngi kwah ka long ba haba wan ka roi ka par ka dei ban wan da kaba shai . kum ka jingwan ka college ha Jalaphet ruh ngi da sngew kmen hynrei ym don pat kano kano ka prokram ban plie maw nongrim hynrei la shu pynbna ban ai work order noh la shym taïew te ngi sngew lyngngoh namar ngim tip haduh katno la mang ïa kata ka college ruh ngim tip haba ngi peit ba ka dei kaba shong hok ba ka sorkar kan ai tangba bad haba peit pat ïa ka jingiaid lynti ne ka process ne ka system ka long ka bym shai te ngi kwah ban ong ba lada ka sorkar ka leh ïa kano kano ka kam ngi kwah ban iohi ba kan wanrah lang ïa ki tnat treikam kiba dei khamtam eh ïa ka MLA ka thaiñ ym dei ba ngi ïa shah ïa ka MLA hynrei ngi don pat kum ka jingsngew namar watla ngi don ha ka liang pyrshah hynrei ngi iohi pat ba kum kato ka jingpynbna te ka lah long bym khein eiei ne ka long insult palat namar ka MLA ka la ju kren ha dorbar ïing thaw aiñ (Assembly) hynrei ha ka por ba pynbna pat kam don lang te ka long noh kaei kaei ka bym itynnad” ong u bah Damewanhi Rymbai.