Shillong, Naiwieng, 29: U Bah Shemphang Warjri ula ujor sha ki Pulit ba ha ka miet 25 tarik mynta u bnai ki runar ki bym lah ban tip ki la tuh ïa ka Scooter jong u kaba don ïa u nombar ML-05AB-4430) na Demthring Block-III, Shillong.
U S. Apin Singh u la ujor sha ki Pulit ban pyntip ba ki runar ki bym lah ban tip ki la prong tuh hapoh ka iingsah jong u ha Madanrting Block-F, Shillong bad rong tuh kawei ka Laptop.
Ka Saini R Sangma ka la ujor sha ki Pulit ban pyntip ba ha ka 25 tarik, Naiwieng, ki runar ki bym lah ban ithuh durkhmat ki la rong tuh ïa ka kali Bolero pick-up jong ka, kaba don ïa u numbar ML-13A-6439 na phyllaw ka iingash jong ka, ha Nongchram, East Garo Hills District.
Uwei u rangbah uba sah ha kawei ka dong ha nongbah Shillong u la ujor sha ki Pulit ban pyntip ba ha u bnai Ïaiong, 2025, kawei ka briew ba la tip kyrteng kum ka Roshni Chettri ka la pynbor ïa u ban thied ïa kawei ka motorcycle ha ka kyrteng jong u da kaba shu siew EMI da ka jingkular ban siew ïa ka EMI manla u bnai.
Hynrei hadien kata, u rangbah u la sngewthuh ba u la shah thok ha ka Roshni Chettri ka bym shym la siew ïa ka EMI jin ar bnai kynthih.
