Shillong, Naiwieng 28: Ka North-Eastern Hill University (NEHU) ha ka sngi Thohdieng ka la pynlong ïa ka jingïalang IIC Regional Meet 2025, ha kaba ha kane ka jingïalang ki la don kumba palat 500 ki nongïashim bynta na ki jaka pule jong kane ka thaiñ shatei lammihngi. Ïa kane ka prokram ba la pynlong hapoh ka jingpynïaid jong ka Ministry of Education’s Innovation Cell (MIC) bad ka All India Council for Technical Education (AICTE), ïa kane ka prokram la pynlong ha Multi-Convention Hall ha NEHU campus.
Ha kane ka jingïalang na ka liang jong ka NEHU ka la kwah ban kyntiew ïa ki jylla jong kane ka thaiñ shatei lammihngi ha kiba bun ki kam pynroi.
Ïa kane ka prorkram la sdang da ka jingtbeh mombati bad ka jingkren na Prof. Dinesh Bhatia, SPOC, bad la pynbud pat da ka jingkren na Prof. G. Bez, Chairperson ka jingïalang, bad pynbud pat da ka jingkren pdiang sngewbha na Prof. I. Hussain, Dean of the School of Technology.
Ha kane ka sngi la long symbud kongsan da Triailukya Dutta, CEO ka Tholua Pratishthan, bad Kunaljeet Singh, Director, AICTE.
Na ka liang jong ka kongsan ka Saloni Verma, IAS, Executive Director jong ka Meghalaya Basin Management Agency bad MD ka PRIME Hub, ka la banjur halor ka jingdonkam ban pynkhlaiñ ïa ka mariang bad ka jingdonkam ban wanrah bad pynkylla thymmai ïa kane ka thaiñ baroh kawei
Ha kane ka prorkram la ïoh ka jingai khublei na Dr. S.P. Pati, Convener bad la pynbud pat da ka jingrwai National Anthem.
