Nongstoiñ, Naiwieng, 27: Ka Tirot Sing Memorial Civil Hospital Mairang, Eastern West Khasi Hills District, ha ryngkat ka jingïatreilang bad ka State Cancer Society of Meghalaya Civil Hospital Shillong, ka la pynlong ïa ka Free Cancer screening camp ha Tirot Sing Memorial Hall Pyndengumiong Mairang ha ka sngi balang.
Ha kane ka sngi la pynlong ruh ïa ka prokram ai jingbatai pynshai halor ka jingpang cancer bad ki lad jingïada na kane ka jingpang, ha kaba la ïadonlang da u Sordar ka shnong Pyndengumiong u bah Bornad Syiemiong, ka Medical superintendent Civil Hospital Mairang ka Dr W.Shangpliang ki nurse, ki staff ka hospital ha ryngkat ka jingwan ïadonlang ki nongshong shnong.
Ka jingpynlong ïa kane ka Cancer screening camp ka long shibynta ban peit ban sumar bad ai ruh ïa ka Counseling ïa ki briew kiba don ïa kane ka jingpang cancer kumno ba ki dei ban leh.
