Shillong, Naitung 05 : Ka Nongkhlieng SC ka la ïoh ban pynliem noh ïa ka Laitmynrieng ha ka jingïakhun ïa ka pre – quarter final jong ka Olim Singh Syiem Memorial Trophy ba la pynïaid da ka Riwar Mihngi Social Welfare and Sports Association ha madan Wahlyngkhat.
Ha ka jingïakhun, ka Laitmynrieng SC ka la ïoh ban pynkhih jar nyngkong ha ka minit kaba 10 lyngba u Manika Khongwet. Ha ka jingïakhun ka Nongkhlieng ka la ïakhun tyngeh bad tang ha ka minit kaba 28 ka la ïoh ban pynphai noh lyngba u Rijensing Khongstia.
Kumta tad haduh ba kut ka kylla step, ka jingïakhun ka la kut noh ha ka jingïakhaid kaba mar 1-1 kol.
Haba poi pat ka jingïakhun ha ka kyllamiet, baroh ar tylli ki kynhun ki la ïakhun tyngeh bad dei tang ha ka minit kaba 66 ka Nongkhlieng SC kala ïoh ban pynkhih jar lyngba u Ksankupar Khongmuid. Kumta da katei ka kol, ka Nongkhlieng ka la ïoh ban jam shakhmat ïa ka lympung da ka nam tam 2-1 kol. Kane ka long katkum ka kyrwoh ba la phah da u Sports Secretary ka Riwar Mihngi Football League.
