Nongstoiñ, Naiwieng 21: Ka Hynñiewtrep Youths Council HYC West Khasi Hills District hapoh ka jingïalam u Samla Lumlang Kharsyiemlieh President bad Samla Wanteibok Lyngdoh GS ryngkat kiwei pat ki para nongïalam, ryngkat katne ki samla wadkam hapoh West Khasi Hills, ki la leit ban ïakynduh bad pynkynmaw biang hakhmat u DC ka West Khasi Hills District Bah Garod LSN Dykes, halor ka kular ban pyllait noh ïa ka Result DSC kaba la dep exam, shuwa ban phah thoh exam biang ha ka 22 bad 29 Naiwieng 2025.
Hadien ka jingkynduh na ka liang ka seng ka la dawa beit ban pynneh ïa katei ka sur ba la ong mynshuwa. Hynrei ïa ka jingïatai u DC u la ong ban pynmih noh ïa ki result kam pat long, namar ka jingthut ha ka Technical Team ba peit ïa ki kam DSC ha ki kam Exam. Tangba u la ong ba na ka liang jong u, u kwah ban pyndep noh shuwa ka Christmas. Ha kajuh ka por kiba shu thung Contract Basic, Officiating bad kiwei ba shu thung shi por u DC un pynkut noh ha ka 30 Nohprah 2025.
Na ka liang ka HYC West Khasi Hills District haba ïakren bad ki lad pathai khubor, u samla Lumlang Kharsyiemlieh President u la ong ba ka seng ka la ïakut bad ka rai kaba khatduh kin ap ïa kata ka shuwa ka Khrismas ban pynmih result ïa ka Exam ba la dep bad ki ban leh mynta bnai. Lada kam sei soh yn lum ïa ki Samla wad kam bad ban pynkhreh jingïakhih.
