Shillong, Naitung, 04:Ka Hynñiewtrep National Youth Front (HNYF) ha ka sngi Saitjiañ ka la pynpaw ïa ka jingai khublei kyrpang ïa ka tnad Sale Tax jong ka sorkar jylla kaba la pynmih ïa ka hukum ba ki dukan thoh tim ha kylleng ki bynta jong ka ki dei ban pynbiang ïa ki licence bad kiwei de ki kot ki sla kiba donkam kat kum ki kyndon jong ka sorkar. Kane ka jingshimkhia jong ka tnad Sale Tax ka dei hadien ba ka seng HNYF ka la pynlong ïa ka jingkhynra ïa ki dukan tim ha kylleng ki bynta jong ka nongbah Shillong bad ba ka la lap ba bun ki dukan thoh tim kiba ym shem la pynthymmai ïa ki kot ki sla da ki bun bun snem kaba pynlong pat ïa ka jingduh ei ka khajna sha ka sorkar jylla.
Shuh shuh ka seng ka kyntu ruh ïa ki dukan ban kin pynbiang ïa mardor licence bad ka byrngem ba lada kim pynbiang ïa ki kot ki sla ba ka seng kan khang beit shi syndon ynda ka pynlong ïa ka jingkhynra kaba kynsan kynsan ong u Samla Donlang Nongbri uba dei u General Secratary ka HNYF East Khasi Hills.
