Jowai, Risaw 29: Ka lympung ïalehkai phutbol jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy, ïa kaba la pynïaid daka East Jaiñtia Hills District Football Association (EJHDFA) kaba la long mynta ka sngi 29 tarik u Risaw, 2025 ha madan Artificial Turf, Diengshynrum, Khliehriat.
Ha ka jingïakhun ba nyngkong ka Sutnga SSCC kala jop da 4-0 kol ïaka Ladrymbai-B SC, ïa kitei ki kol na ka Sutnga SSCC ar kol la thep da u Niponghi Sumer haka minit ba 21 (penalty) & 67, u Sauni Phawa haka minit ba 51 bad u Coming Dkhar haka minit ba 73.
Katba ha ka jingïakhun kaba ar hapdeng ka R.Skhenshynriah SC bad ka Shilliang Umshong SC kila poi sha ka jingïakhaid da mar 2-2 kol, ïaki kol ba ka R.Shkenshynriah SC la thep da u Goldenson Japui haka minit ba 2 bad u Ribiang Dkhar haka minit ba 25. Katba ïa ki kol na ka Shilliang Umshong SC la thep da u Henjoymang Khongsai ha ka minit ba 21 bad u Sambha Ksih haka minit ba 83.
Ka jingïakhun lashai 5 tarik u Naiwieng kan long hapdeng ka R.Shkenshynriah SC pyrshah ïaka Dhana SC, katba ka Chiehruphi SYWSC pyrshah ïaka Sutnga SSCC.
