Shillong, Risaw 27: Ka Mawkhar SC ka la khur pura ïa ki lai point hadien ba ka la pynliem noh da 3-1 kol ïa ka Lawsohtun SC ha ka jingïalehkai kaba la long hynne ka sngi Nyngkong jong ka lympung First Division 2025 ba la pynïaid da ka Shillong Sports Association ha madan First Ground-SSA Stadium, Polo.
Ka jingïakhun ha ka kylla step ka la ïakhaid da mar shi kol, hadien ba u la Vobisterfield Marngar (5′) u la pynkhihjar nyngkong na ka bynta ka Mawkhar shuwa ba u Bangshanlang K Wahlang (30′) un pynïakhaid na ka bynat ka Lawsohtun.
Dei ha ka kylla miet ba ka Mawkhar ka la pynthikna ïa ka jingjop da kaba thep ar kol lyngba u Rikyshan Warjri (61′) bad u Silbanus Diengngan (79′).
Kin don ar tylli ki jingïalehkai ha kane ka sngi, bad kan sdang ha ka por 1:15 baje mynsngi hapdeng ka Nongthymmai SC pyrshah ïa ka Nongrah SC, nangta ka Nongkrem SC pyrshah ïa ka MLP ha ka por, 4:15 baje noh phai sngi.
