Shillong, Nailur 25 : Ka Junior Christian Endeavour Society Mawkhar ha ka Jingrakhe jong ka ïa ka Jingdap 125 Snem (Quasquicentennial Jubilee) kan pynlong ïa ka Social Gathering ha ka 11tarik Risaw (October) 2025 ha Meadow Grand Hall, Jaïaw Lumbatemon naduh ka por 2.00 pm.
Ka Society ka khot bad ïawer sngewbha ïa baroh ki dkhot jong ka, kiba rim bad kiba thymmai kiba don sha jan bad sha jngai, sha kane ka Social Gathering Cum Get Together. Ha ka kyrwoh la ong ruh ba ka jingdon ryngkat baroh kan long ka jingkmen bad jingkyrkhu ïa ka Society. La kyntu ïa baroh ba kin shim ïa kane ka kyrwoh kum ka jingpyntip bad ka jingkhot sngewbha.
Na ka bynta ka jingbit jingbiang jong ka jingpynkhreh ïa kane ka Social Gathering, la kyntu ïa ki nongshim bynta ba kin sngewbha ban pyntip ïa ka jingwan jong ki sha i General Secretary Miss Emika M.Syngai lyngba u number 9774660112 Secretary, Jubilee Working Committee, Bah Khrawkupar D. Paswett ha u number 9774309537 lane sha u Secretary, Jubilee Social and Recreation Sub-Committee, Bah Reuben B. Diengdoh ha u number 6009247650, ha ne shuwa ka 5tarik Risaw 2025.
Kane ka long katkum ka kyrwoh na i Miss Emika M. Syngai, General Secretary jong ka Junior Christian Endeavour Society Mawkhar.
