Shillong, Nailur, 12: Ki ophis treikam Employment Exchange kiba don ha ki district bapher bapher ha ka jylla ki la lah ban pynïoh tang lai tylli ki jingthungkam ha ki kam Sorkar ha ki lai snem ba la leit noh.
Na kine, 2 tylli ki kam ki dei kiba la leh ha u snem 2023, kawei ha u snem 2024 bad ha u snem 2025 ym don eiei.
Kane ka jingbym lah treikam ka long wat hadien ka jingdon jong ki 13 tylli ki ophis Employment Exchange ha kyllen gka jylla, kiba don 103 ngut ki nongtrei.
Ïa kane la pyntip da u Myntri ka tnat Labour, u Bah Shakliar Warjri haba jubab ïa ka jingkylli ha ka Dorbar Synrai jong ka Ïingdorbar Thawaiñ ha ka sngi Thohdieng.
