Jowai, Nailur 09: Ka lympung ïalehkai phutbol jong ka kyrdan 1st Division League 2025 bala pynïaid daka East Jaiñtia Hills District Football Association (EJHDFA) kaba la long mynta ka sngi 9 tarik Nailur ha madan Artificial Diengshynrum, Khliehriat.
Haba phai sha ka jingïakhun kaba nyngkong hapdeng ka Pamrakmai SCSC bad ka Bataw YWSC kila poi sha ka jingïakhaid da mar shikol (1-1). Ïa ka kol na ka Pamrakmai SCSC la thep da u Heibor Suchiang haka minit ba 90+3. Ïa ka shikol naka Bataw YWSC la thep da u Jesper Lamare haka minit ba 80.
Katba ha ka jingïakhun kaba ar ka Musniang SC kala jop da 4-1 kol ïaka Jalyiah United SC, ïa ki kol na ka Musniang SC la thep da u Eleven Biam haka minit ba 29 & 68, u Michael Rymbai ha ka minit ba 63 bad u Nikerda Dkhar haka minit ba 86. Ïa ka shikol na ka Jalyiah United SC la thep da u Bataibha Rymbai haka minit ba 84.
La pyntip ba ka jingïakhun kan bteng lashai ka sngi 10 tarik u Nailur ha ki ar tylli ki jingïakhun.
