Jowai, Nailur 04: Ka West Jaiñtia District Sports Association (WJDSA) ka khot bai Entry na ka bynta ka lympung ïalehkai phutbol jong ki kynthei (Open to All) ïa kaba la tip kum ka ‘Women League Football Tournament-2025’ kaba dei ruh ka lympung ba nyngkong ïaka ban pynlong hapoh ka District.
Na ka bynta ka bai Entry kan long 2000/- tyngka kawei ka kynhun kaba kynthup lang bad ka bai Registration jong ki Players. Kino kino ki kynhun kiba kwah ban ïashim bynta ki lah ban pynpoi ïa ka kyrteng jong ki ha u ma Lammat-oo Laloo uba dei Hony. General Secretary ka WJDSA.
Ha ka juh ka por la khot sngewbha ïa baroh ban wan ïashim bynta ha kane ka lympung khnang ba kan long kaba phuh ba phieng.
