Khliehriat, Nailar, 21: Ki Pulit jong ka Khliehriat Police Station ha ka janmiet sngi Baar ki la ïoh jingtip ba don kawei ka metïap kynthei ha kawei ka khlaw ha Soo Kilo, East Jaiñtia Hills District bad la suba ba ka la shah pynïap dusmon ha ki runar bad bret sha khlaw.
Hadien ba la leit shimti ïa ka met la pynkit noh sha Khliehriat Civil Hospital ban leh ïa ka Postmortem bad mynta la buh ha ka jaka buh met ïap ha Civil hospital.
Kumba ka paw, la lap ïa ka kynthei hapdeng ka jinglyngkhuid ba la bret ïa ka ha khlaw bad ka met ka la pyut bha. La antad ba kane ka kynthei briew ka la don kumba 40 snem ka rta bad la suba ba ka lah ban dei ka kynthei bar jylla.
Halor kane ki Pulit ki la register case ha Khliehriat Police Station.
