Ka Sorkar Meghalaya ka im sngi ban ïarap kyrpang ïa kiba duna dkhotmet: Kyrmen Shylla

Shillong, June, 24: U Myntri ka tnat Social Welfare u Bah Kyrmen Shylla u la banjur ba ka Sorkar Meghalaya ka la im sngi da kaba buh hakhmat ïa ka thong ban kyntiew ïa ki briew kiba duna dkhotmet bad ban pynïoh mar katjuh ïa ki hok jong kiba duna dkhotmet hapoh ka jylla.
Haba kren ha ka jingïalang jong ka Central Advisory Board on Disability ba la pynlong da ka Ministry of Social Justice and Empowerment ha Vigyan Bhawan, New Delhi ha ka sngi Thohdieng u Bah Shylla u ïai ban ba ka thong jong ka Sorkar Meghalaya ka long ban pynkupbor ïa ki briew kiba duna dkhotmet bad ban ai ruh ïa ki hok ki jong ki, ban ïada ïa ki hok jong ki, ban ïarap ha kaba kin long kiba laitluid bad ki nongshong shnong kiba kynsai kiba lah ban noh synñ sha ka imlang ka sahlang.
U la ong ka Sorkar Meghalaya ka la sngewnguh shikatdei eh ïa ka jingïarap ba khlem pud jong ka Ministry of Social Justice and Empowerment ha kiba bun ki liang.
“Nga ai khublei kyrpang ïa u Union Minister ka Ministry of Social Justice and Empowerment, u Dr. Virendra Kumar bad ïa ka Myntri Khynnah ka Ministry of Social Justice and Empowerment ka Kumari Pratima Bhoumik,” ong u Bah Shylla.
Ïa u Bah Kyrmen Shylla la synran lang da ka Commissioner for Persons with Disabilities ka S. B. Marak bad ka Deputy Commissioner for Persons with Disabilities ka Kong Bridget Warshong.