Shillong, Jylliew, 22: Ka Special Investigation Team (SIT) jong ka tnat Pulit Meghalaya ka la kem sa arngut ki briew na Indore ha kaba ïadei bad ka jingtohkit halor ka jingshah pynïap jong u Raja Raghuvanshi.
U Superintendent of Police ka East Khasi Hills Bah Vivek Syiem u la pynthikna halor kane ka jingïohkem sa arngut ki briew, uwei uba dei u trai jong ka iing kaba la aiwai ha ka iingmala sha u Vishal Singh Chauhan, uwei pat u dei uba la shah kynnoh ba dei uba donkti lang. La ïathuh ba ka Sonam Raghuvanshi ka la sah ha kane ka iing shwa ba kan shah kem hadien ba ka la phetrieh..
Uba ar uba la shah kem la ngeit ba u dei u Security Guard jong ka Iing mala bad u dei uba la shah suba ba u don ïa ka jingtip kaba bniah halor kane ka jingjia.
Ka thymmei khubor jong ki Pulit ka la ïathuh ruh ba na ka CCTV Footage la ïohi ïa u trai jong ka iingmala, ba la ithuh kyrteng kum u Silome James, uba weng ïa ka pla kaba dei jong ka Sonam na ka iingsah hadien ba la shah kem. Ka jingkem ïa u ka don jingïadei bad ka jingjah rngai kiba bun ki tiar na kane ka iing.
Ïa kine ki arngut kiba la shah kem la khmihlynti ban wan ïalam sha Shillong ha ka janmiet sngi u Blei bad yn sa rah ban tiar bishar hapoh ka Kashari ban pan bor na ka bynta ban ïoh pynlong ïa ka jingtohkit.
