Haduh syngkai ka ahor ktieh hap ïaid ki paidbah ba twa kynsan hajan tunnel EJH

0

Shillong, Jylliew 20 : Ki paidbah kiba hap ban ïaid lyngba ka tunnel Sonapyrdi kaba don ha, Narpuh East Jaiñtia Hills ki la hap ban ïaid lyngba ka ahor ktieh kaba jylliew bha na ka daw ka jingïai bteng ka jingtwa khyndew ryngkat u lapbah ba jur.
Ha kane ka sngi la ïohi ba ki paidbah nalor ba ki shem jynjar ban kam na shilliang sha shilliang, ki hap ruh ban ngam haduh syngkai ka ktieh. Na ka daw ka jinglang jong katei ka ktieh, mardor na ka liang ki nongtrei jong ka National Highway Authority of India mar mar hi ki la shim khia ban pynkhuid.
Ka la shimpor haduh kumba hynñiew kynta ban pynkhuid ïa katei ka khyndew ktieh kaba lang hangtei. Ki khubor ba la ïohlum ki ïathuh ruh ba katei ka jingtwa ka la jia naduh ka por mynstep tangba ki kali pat ki dang ïohlad ban ïaid haduh ka por 3:00 baje janmiet. Katei ka jingjia ka la buh ha ka jingeh kaba khraw ïa ki paidbah nongleit nongwan kiba hap ban ïaid lyngba katei ka surok National Highway.
Na ka liang ki bor distrik jong ka East Jaintia Hills mynta ki la pynbna ba katei ka surok ka la long ban ïaid kali baroh arliang hadien ba ki bor ba dei peit ki la dep ban pynkhuid.
Ha kajuh ka por, ki la pyntip ruh ba khnang ba kan ym buh jingeh than ïa kito ki kali heh kiba kit ïa ki tiar kiba donkam la kyntu ruh ïa ki paidbah ba kin kiar ban ïaid na ka surok National Highway na Narpuh lait sa tang lada don ki kam ki bym lah shuh ban kiar. Katei ka jingbthah ka long ba khnang kitei ki kali kiba kit ïa ki mar ba donkam kiba thmu ban pynpoi sha kiwei pat ki jylla ba kin poi sha Barak Valley.
La ong ruh ba mynta ki kali ki la lah ban ïaid na baroh ar liang ka surok lait tang ha ki katto katne ki jaka ba ki kali ki dang hap ïaid tang shiliang ka surok.

Leave A Reply

Your email address will not be published.