Shillong, Jymmang 27: Shen ka Captain Williamson Sangma State University (CWSSU) kan sa sdang noh ïa ka jingpynrung klas ïa ki samla pule.
“Shen ngin sa sdang ban ai ïa ki admission notice bad ngin sa sdang ruh ïa ki kam ai admission,” ïathuh u Commissioner & Secretary in-charge Education u Vijay Kumar Mantri sha ki lad pathai khubor ha ka sngi baar.
Haba kyntait ban kren halor ka kam jong ka Bijini Complex u la ong, “Mynta ba kane ka kam ka dang don ha high court bad ngam lah ban kren eiei halor kane.”
U la ong ba kam Bijini complex kam dei satia ban jia. Ka sorkar jylla ka la tyrwa ban pynlong ïa ka Bijini complex kum ka ophis ba shipor jong ka CWSSU Shillong campus.
“Haba lada ka sorkar pdeng ka don eiei pyrshah ïa ka sorkar jylla kum ka NEHU kaba dei ka jong ka sorkar pdeng, kumta ka NEHU ka dei ban shim ka jingmynjur na ka sorkar pdeng namar lada phi file ïa ka litigation pyrshah ïa ka sorkar jylla kumta ki dei ban shim ka jingmynjur,” bynrap u Mantri.
