Shillong, Jylliew : U Bah Teiborlang Pathaw, MDC ka Mawlai konstitwensi u la lah ban pynïoh ïa ka skhim kaba 7 lak tyngka na ka bynta ka Dorbar Shnong Mawlai Phudmuri.
Kitei ki skhim kiba u Bah Teiborlang u la lah ban pynioh kawei ka dei na ka Central GST na ka bynta ban shna ïa ka paiñkhana (toilet) lyngba ka Swachh Bharat kaba long 2 lak tyngka bad kawei ka dei kaba u la dep shna ïa ka kamra shet (Kitchen cum store room, kaba don ha Mawlai Phudmuri kaba kot sha ka 5 lak tyngka.
Kine ki dei ka jingangnud jong u Rangbah Shnong barim ka Mawlai Phudmuri uba la khlad noh u Bah (L) Sylvester Kurbah, ïa ka ba u la thrang ba ka Commu nity Hall jong ka shnong ka dei ban don sa ka jaka shet kaba biang.
Kumta kham mynshu wa ha ki por ba u dang im u la ïasyllok bad u Bah Teiborlang Pathaw ban pynïoh ïa kaba kum kane ka jingïarap ïa ka shnong.
Hadien kane u Bah Teiborlang Pathaw ula ïoh ban pynurlong ïa kane lyngba ka scheme Excluded areas jong ka KHADC kaba la mang 5 lak tyngka ïa kaba la ïoh ban plie ha ka 18 tarik mynta u bnai.
Sa kawei ka jingeh jong kane ka Community Hall jong ka shnong kalong ba kam don ka paiñkhana kaba bit ba biang bad haba don kino kino ki program ki hap ban ïa leit ha ki ïing kiba marjan bad kane ka hall.
Da ka jingstad bad jingtrei shitom ula ïoh lad ban wanrah ia ka Scheme ba 2 lak tyngka na Central GST kaba dei lyngba ka Swachh Bharat da kaba ai ïa ka work order ha u Acting Rangbah Shnong ka Phudmuri u bah S. Khongklaim, khnang ba kin ïoh ban sdang ban pyntrei noh ïa kane ka kam.
