Shillong, Jylliew : Ka kynhun ki nonghikai skul Primary hapoh ka lama jong ka All Primary School Teachers’ Association (APSTA), kan rakhe ïa ka lyngkhuh jingdap 40 snem jong ka ha ka 22 tarik Jylliew 2022, hapoh Dorbar Shnong Lumpyllon bad Lumshyiap, Jaiaw Shillong, ha ka por 11 baje mynstep.
Ha kane ka sngi yn ïadonlang ruh I Prof. Streamlet Dkhar Chairperson AIPC bad Former Dean, School of Humanities NEHU kum i Kongsan bad u Bah Joseph A. Marwein, Incharge SDSEO, Shillong kum u Symbud Kongsan.
Kumta la kyrpad ïa baroh ki nonghikai ba kin ïa poi khnang khnang sha kane ka jingrakhe pyndonburom ha ka ba kan don ka jingleh ïa ka registration kan sdang naduh ka por 10 haduh 10:30 mynstep.Kane ka long katkum u kyrwoh lyngba u Bah FC Shullai, General Secretary APSTA.
