Jowai, Jymmang 14: Ka Federation of Khasi Jaiñtia & Garo People (FKJGP) Jaiñtia Hills Zone mynta ka sngi kala leit ban ïa kynduh ïa u Superintendent Engineer ka Public Work Department, Jowai Circle, ban kyrpad na katei ka tnad ban kan shna ïa ka jingker (guardrails/safety barriers) ha baroh ki surok hapoh Jaiñtia Hills khamtam haki jaka ba don jingma bad kiba long riat. Kum ban pynkynmaw dang ha kane ka taïew bala dep la don kawei ka kari kaba la hap shapoh riat lyngba u surok Mynsoo-Borato road bad ki briew kiba don hapoh katei ka kali kila shitom jur na ka jingmynsaw, haba don kum kine ki jingjia ki don ruh kiba duh noh ïa ka jingim, la ong ka seng
Ka seng lyngba u Chief Organizing Secretary bah Wompher Wann, u Legal Secretary bah Lidar Paia Dkhar bad u Assistant Cultural Secretary bah Nabait Pyrkhat Ymbon, kila buh ka jingkyrpad jur ïa utei u saheh PWD ba dei peit ïa kane ka kam ba un shimkhia ban leh mardor ïa kane ka jingdonkam ba kyrkieh.Ha ka jingïakren ka seng bad utei u Sahep ula pyntip ïa katei ka shithi yn sa phah ïa ka sha baroh ki Executive Engineer bad ula kular ban shimkhia ïa kane ka jingdawa khnang ban lait na kino kino ki jingjia ba sngewsih ha kine ki sngi ban wan.
