Mawkyrwat, Ïaïong, 22: Ka ‘erlang thari kaba la wan lynshop kynsan ha ka janmiet sngi Baar ka la jynrat naphang ïa ki tin sop jong ki katto katne ki dukan die jhur ha ïew Mawkyrwat, South West Khasi Hills District bad pynjulor ruh ïa kawei ka kali kamai kaba dang ïeng harud surok.
Katkum ka khubor ba la ïoh lum la ong ba ka jingwan beh kyrthep kynsan kynsan ka ‘erïong ‘erngit ka dei ha ka por kumba 4:00 baje janmiet. Kane ka jingjia ka la pynher syrngiew wat ïa ki nongthied nongpet bad ïa ki nongshong iew.
Ha kane ka jingjia, la ïathuh, ba ym shym la don mano mano ba mynsaw hynrei dei tang ka jingshah rong ki tin sop jong ki dukan bad ka jingpait jong ka ïit kali.
