Hiar ki myntri sorkar bad u MLA ka thaiñ ha Narpuh ban jurip ïa ka jinglong jingman ka surok NH-6

Khliehriat jylliew 16: Ki ar ngut ki myntri ka sorkar jylla ba kynthup u bah Lahkmen Rymbui, u bah Kyrmen Shylla bad u MLA Sutnga-Saipung, u bah Shitlang Pale, mynta ka sngi ki la leit ban hiar jurip ban iohi bad sakhi da la ki jong ki khmat ïa ka jinglong jingman ka surok national highaway ha ki thaiñ Narpuh.
Ki thymmei khubor ki iathuh ba kitei ki nongmihkhmat ki hap ban iaid da ka kjat ha ka surok ha Lumshnong namar ba ka la jur palat ka jingdheng kali bad la synran ïa ki da u Superintendent of Police East Jaiñtia Hills District, u Jagpal Singh Dhonoa, u Deputy Commissioner, u Abhilash Banarwal lem bad ki pulit jong ka Lumshnong Police Station.
Kat haduh ba thoh ïa kane ka khubor, kitei ki myntri sorkar, u MAL, u bah Shitlang Pale lem bad ki heh sorkar jong ka East Jaiñtia Hills District ba kynthup u Dputy Commissioner, u Abhilash Banarwal, IAS u Superintendent of Police East Jaiñtia Hills, u Jagpal Singh Dhanoa, IPS ki dang don hapdeng ia jingiakren halor kumno ban weng ïa ka jingeh ki paidbah kiba iakynduh jingeh ha ka leit ka wan kiba ïaid lyngba na ka national highway -6 na East Jaiñtia Hills District.