Mawkyrwat, Jylliew 15: Ki runar bym lah ithuh ki la leit ban pynpait ïa ka jaka khang tala (gate) bad rong tuh ruh ïa ka pisa napoh ka ophis u Block Development Officer, Mawkyrwat C&RD Block kaba don ha shnong Mawlangwir, South West Khasi Hills District.
Katkum ka tyllong khubor na ki pulit, la ong ba halor kane ka jingjia ki runar bym lah ithuh ki la rah ruh ïa ka pisa kaba la kot haduh T. 1.73 lak ei ei bad kane ka jingjia ka lah ban dei ha ka miet jong ka Sngi U Blei 12 tarik u Jylliew, 2022 ne ha ka step phyrngap jong ka sngi nyngkong 13 tarik u Jylliew, 2022.
Shuh shuh la ïathuh ba ha ka step jong ka 13 tarik u Jylliew, 2022 ha ka por kumba 9:30 mynstep u BDO u la ai jingtip noh mar mar ha ki bor pulit halor kane ka jingjia.
Halor kane ka jingjia, u Block Development Officer ka Mawkyrwat C&RD Block, bah I. Lawrynñiang, MSC u la dep ban buh da ka ehjahar hapoh Mawkyrwat Police Station bad ka jingtohkit halor kane ka jingjia ka dang ïaid shakhmat.
