Nongstoiñ, Jylliew 14: I samla Deicy Mery Marweiñ I ba shong ba sah ha Mawkhmahwir, I ba leit pule ha St Peter’s Higher Secondary School, I la pass bha bad napdeng ki khynnah class X kiba ïaleh ïa ka final exam ha ka MBOSE SSLC, dei tang ma I, I ba ïoh haduh 85 % ha ka total marks. Itei I hep haba ïakren bad u nongthoh khubor hadien ba ka risol ka la mih, I la ong ba I sngew bynnud haduh katta katta haba im ïoh ban rung ha ka thup kyrteng jong kiba poi ha ka top 20.
I la ong ruh ba kaba la pynlong ïa I ba in nym lah ban rung ha ka top 20 ruh, ka dei na ka daw ka dei ba I duna marks noh tang ha ka sobjek Mathematics. I la long ba ka jingkhang dam ha u snem u ba la dep ruh, ka dei ka daw jong ka jingbym shym la lah ban pynlong klass thikna hapoh skul. I la ong ba naduh Upper Primary im ju duna marks ha ka mathematics. Hynrei mynta pat watla I duna khyndiat khynsoit ki marks ha ka Mathematics ruh, I angnud bad I thrang ban leit ha ka Science stream.
Ha kaba ïadei bad ka jingpass bha jong I Deicymery, I la phah ka jingkhublei kaba kyrpang sha baroh ki nonghikai jong ka skul jong I bad ki kmie ki kpa ki hynmen ki para bad ki para khynah skul kiba la ïaleh lang ha ka Final Exam la ki dei kiba pass ne ki bym pass ruh.
I la kyntu ïa baroh ki khynnah skul ba kin trei shitom met bad mynsiem ban minot ïa ki lynnong kot bad ba kin kohnguh ïa ki kmie ki kpa bad ki nonghikai, khnang ba kin poi sha ka thong jong ka jingjop namar dei tang kita kiba trei shitom ki ban poi sha kliar ka nam.
Na ka liang ka kur Marweiñ Kpoh ka Ñai bad Ïawnah Pah na Nonglang bad Mawlangwir, ka phah ïa ka jingkhublei ïa baroh ki khun ki ksiew kiba la pass bha ïa ka Exam class X 2021-22 ba la pynïaid da ka MBOSE. Ka phah ruh ka jingkhublei sha baroh ki nonghikai jong ki skul kiba la trei shtitom miet la bad sngi, wat la kim shym la ïoh lad bad pynlongskul thikna ha ki ar snem ba la dep namar ka jingkhang dam. Hynrei, ka jingtrei shitom jong ki nonghikai lyngba ka online class ka la pynlong ïa ki khynnah ba kin pass bha.
