Nongpoh, Rymphang, 16: Haba sam ïa ka ktien u Blei haka jingïaseng nyngkong jong ka Ri-Bhoi Sepngi Presbytery kaba dei ruh ka jingrakhe ïa ka jubili Rupa ha Ba lang Presbyterian Saiden (Khar ar Lyngdoh Sepngi Pastorate), u Rev. KP Masharing u la banjur ïa ki khun khristan bad kumjuh ruh ki Ba lang ban batskhem ïa ka ktien jong u Blei wat hapdeng ki jingtynjuh ki jingïaleh kiba wan na ka diang bad ka mon kiba u soitan u ïakhun ban randien na u Blei.
U la ong ruh ba ki don ki por ba kum ki briew ki man thaid, ki swai hapdeng ki jingïakhun bad sngew ban iehnoh ïa u Blei khamtam haba ban ka pang ka shitom, ban phaidien noh na u Blei, hynrei hato ngi lah ne em ban batskhem ïa ka ktien ka jing u Blei hapdeng shibun kine ki jingeh bad ki jingtynjuh namar uta u ba ïai neh haduh kaba kut un ïoh lait im, da kaba ai nuksa ruh ïa ka jingskhem jong ki paid riew ngeit bad ka Ba lang ha Philadelphia wat hadpeng shibun ki jinghikai bapher bapher bad kiba khyllah hynrei ki paid riewngeit ki skhem triang ban shakri ïa u Blei ba im.
Namarkata kum ki khun khristan ka long kaba kongsan ba ka thong hi haka jingim ka long ban shakri ïa u Blei u ba im, ban shaniah ha ki jingpyniaid ba stad jong u watla u soitan u pyrshang lyngba bun ki jingeh bad ki jingtynjuh ban kynran dien na u Blei khamtam ha kane ka juk ba mynta ba bun na ki khun khrist ki mane Blei tang haka por ba ki mad jingeh lane ba ki don ka jingsheptieng ïoh ba ka dei ka jingwan arsien jong u trai Jisu lane ba ki don hapdeng ka jingpang ka jingshitom, hynrei u Rev KP Masharing u la buh jingkylli ïa ki paid riew ngeit khristan lada kam don ka jingpang jingshitom, lada kam don ka jingwan arsien jong u trai Jisu hato ngin nym mane blei shuh?
Da ki hajar ngut ki paid riewngeit jong ka Ba lang Presbyterian ki la tuid sha ka jingïaseng Presbytery kaba la long ha Ba lang Presyterian Saiden, bad nalor ki paid riew ngeit la sakhi ruh da ka jingdonlang ki Pastor, ki tymmen basan lem bad ki nongsharai Ba lang, katba haka jingïaseng kaba ar ïa ka ktien jong u Blei la sam da u Rev. R.H Lyngkhoi.
La pynphuh pynphieng ruh ha katei ka sngi da ki jingrwai Choir ba la shim bynta da ki khun samla jong ka Ba lang ban nang pynrhem ïa ka jingshakri ha u Trai lyngba ki sur jingrwai.
Kum ban shu kdew hangne ba ka Ri-Bhoi Presbytery mynta u snem ka rakhe ïa u mawmer ba 25 snem ka jingïaid lynti ka Presbytery ba kaba don ruh 5 tylli ki Presbytery ba kynthup ïa ka Ri-Bhoi Mihngi Presbytery, Ri-Bhoi Sepngi Presbytery, Ri-Bhoi Shatei Presbytery, Mawbuh Sarikrai Presbytery bad ka Nongtluh Mathan Presbytery.
