Shillong, Rymphang 15: Kum shi bynta ban wanrah ïa ka khuid ka suba bad kumjuh ruh ban pynlong ïa ka nongbah Shillong kaba lait na ka jingbret jaboh pathar na ka liang jong ka Shillong Municipal Board ka la bthah ïa baroh kiba shong dukan bad kiba leh ïa ki kam khaiï ba kin buh ïa ki litter bin hakhmat ki dukan jong ki na ka bynta ban pyndonkam da ki briew kiba wan thied jingthied bad kiba ïaid lynti lyngba jong ki dukan jong ki.
Na ka liang ka Shillong Municipal Board ka la bthah ïa ki trai dukan ba ki dei ban leit bret ïa ki jaboh ha ki jaka ba la buh da ka SMB ne ha ki kali ka SMB. Ïa kane ka jingbthah la pynmih kum ka jingthmu ban pynlong ïa ka nongbah kaba khuid ba suba hapoh u bnai Ïaïong u snem 2025.
