Nongstoiñ, Rymphang 13: Ki saw ngut ki briew ki la khlad noh hashen, hadien ka jingjia ïa tynrah jong ki at tylli ki trok kaba la jia ha Shallang ha ka miet sngi ba ar.
Katkum ka khubor pulit la ong ba ki la ïoh jingtip halor kane haduh ka por 10:45 ei ei, haba kaba la ong ba kawei ka trok saw sha ka kaba thylli, kaba khlem pat don number ne AF, kaba mar ïa poi ha 5 kilo ha Shallang, ha kaba namar ka jingpynher sted palat, ka la leit ban tynrah ïa kawei pat ka trok ba thylli kaba don ïa u number ML08 B 2494, kaba la hap noh sha khap.
Ha kane ka jingjia, saw ngut ki briew ki la khlad hashen, ha kaba uwei na kiba la ïap la ithuh kyrteng u Rahul Puweiñ 22 snem ka karta, u ba dei na ka shnong Nongriangkang. Katba ki lai ngut kiwei pat ym shym la lah ban ithuh haduh mynta.
Ki pulit ki la register case halor kane ka jingjia ha Shallang Police Station bad ka jingtohkit bniah ka dang ïaid shakhmat.
