1.91 klur kurup ka ED ïa ka pisa bad ki jingdon jingem ki arngut

Halor ka jingdie thok ia ki Certificate jongka Techno Global University

0

Shillong, Jylliew 12 : Dang shen ka Directorate of Enforcement ka kurup ïa ki pisa bad ki jingdon jingem jong ki arngut ki briew kiba la shah kem naduh u snem 2015 ba ki donkti ha kaba die tuh ïa ki Certificate thok ha ka kyrteng jong ka Techno Global University kaba la kot sha ka 1.91 klur tyngka.
Kine ki arngut kiba leh ïa kane ka kam thok bad shah kem naduh ka 5 tarik Lber 2015 ki dei u Sanjeev Kumar bad ka kurim jong u ka Puja Srivastava. La kem ïa ki na Shivpura, Ramchandra, Block A kaba hap hapoh ka Shastrinagar Police Station, Patna.
ïa kine ki arngut la pynngat ha ka kyndon aiñ Prevention of Money Laundering Act (PMLA) 2002 namar ki die tuh ïa kitei ki certificate ym tang jong ka Techno Global University hynrei jong kiwei kiwei ki university ruh. Ki tiar ba la kurup ki long ki Bank Acount, Fixed Deposit, Mutual Funds, ki ïing ki sem. Ka tnad Directorate of Enforment ka la shim ïa ka jingtohkit halor ka FIR ba la charge sheet da ka tnad pule jongka jylla pyrshah ïa u Sanjeev bad Puja. Kine ki la thok la shukor ïaki hajar ngut ki samla pule bad ai ïaki da ki certificate degree thok. Kine ki la plie ïaka Bank Account ha Delhi ha ka kyrteng ka Techno Global University bad phah siew beit ïa kiba thied certificate thok ha katei ka bank account. Katba ha ka jingshisha ka Techno Global University Shillong kam don jingtip ei ei halor kane.
Dei ruh u Honourary Chancellor ka Techno Global University, Shillong u Dr Sankar Mukhopadhyay uba la leit ai ka jingujor ejahar ha Mawlai Police Station ha u Jylliew 2013 haba ka University ka la ïoh jingtip shaphang kine ki kam thok kam shukor. Kitei ki arngut shikurim ki la plie ruh da ka website jongka Univerity bad buh ruh da u Logo jongka Techno Global Univeristy katba ka jingshisha pat ka long ba ka University kam tip ei ei ïa kane. La leit ujor halor kane ka jingleh thok shaduh West Bengal, Bihar, Assam da ka University.
Halor kane ka jingujor ki pulit ka Mawlai ki la tohkit bad ki lap ba kane ka University ka don shisha ka ophis ha Shillong ha Mawiong tangba ka khang tala pat bad kam pat sdang ïaki class ruh nangne na Shillong.

Leave A Reply

Your email address will not be published.