Shillong, Rymphang 02: U Myntri Rangbah ka jylla u Conrad k Sangma u la plie ïa ka Choir Competition & Food fest la pynlong da ka Seng Rangbah Katholik Sawmer kum shibynta na ka jingrakhe ïa ka Silver Jubilee ha Don Bosco Sunny Side, Sawmer, kaba la wan ïashimbynta ruh da ki kynhun rwai Choir na ki Parish bapher bapher.
Ha kaba iadei bad kane u Myntri Rangbah ula ïakynduh bad ïasyllok ruh bad ki dkhot ka Dorbar Shnong, ka Seng Kynthei bad Seng Samla ka Sawmer, kiba la pynpaw ïa bun kiei kiei kiba ïadei bad ki jingdonkam hapoh ka Shnong.
Ha kane ka sngi u Myntri Rangbah ula ong ba kine ki jingïasyllok ki phalang ïa ka jingkut jingmut jong ka Sorkar ban ïakren ïakhana bad ïasyllok bad ki paidbah ha ki shnong ki thaw bad kular ruh ba un sa khmih bad shimkhia ban leh eiei halor ki jingdonkam bad jingdawa jong ki nongshong shnong.
