Shillong, K’lyngkot, 31: Haduh 19 ngut ki kyrtong na ki seng sainpyrthei bapher bapher ba kynthup ruh ïa ki kyrtong shimet ha ka sngi Thohdieng ki la thep kyrteng ha ISBT, Mawiongrim Shillong na ka bynta ban ïakhun ïa ka election MDC sha ka Khasi Hills Autonomous District Council (KHADC) ka ban sa long ha ka 21 tarik Rymphang, 2025.
Kine ki 19 ngut ki kyrtong ki kynthup na ka seng Congress, na ka UDP, na ka NPP, HSPDP, na ka BJP bad ki kyrtong shimet.
Ki kyrtong ki long u Bah Lionel Nongkhlaw kum u kyrtong Independent na Mylliem, u Bah Ricky Shullai kum u Independent na Laban-Mawprem, Teiborlang Pathaw bad u Bah Process T. Sawkmie kum ki Independent na Mawlai, u Bah Samlin Malngiang na ka NPP na Nongspung-Sohiong, u Nathaniel Rymmai na ka Congress na Nongspung-Sohiong, Bah Manuel Badwar na ka Congress na Malki-Laitumkhrah, Bah Councillor Mukhim na ka BJP na Mawkynrew, Bah Wanseng Jyrwa na ka Congress na Mawlai, Gerald Shullai na ka Congress na Jaïaw, Bah Banphira Basaïawmoit na ka Congress na Myllliem, Juban Kharbihkhiew na ka HSPDP na Mawkhar-Pynthorumkhrah, Bah Finest Star Kharkongor na ka NPP na Mylliem Constituency, Bah Lamphrang Blah na ka NPP na Mawphlang-Diengiei, Bah Mitchel Wankhar na ka UDP na Laban-Mawprem, Bah Mathew Beyond Kurbah na ka UDP na Mawphlang-Diengiei, Bah Desmond KL Mawlong na ka UDP na Nongthymmai, Bah Augster Jyrwa na ka UDP na Jaïaw bad u Bah Kordor Lyngdoh Nongkynrih na ka NPP na Mawkhar-Pynthorumkhrah.
